Author name: kimmey

ភ្នំពេញ៖ នាព្រឹកថ្ងៃទី១៧ ខែកក្កដា ឆ្នាំ២០២៦ លោក ជា សុភ័ក្ត អគ្គនាយក នៃធនាគារ SME បានដឹកនាំកិច្ចប្រជុំ «បូកសរុបលទ្ធផលការងារផ្នែកលក់ប្រចាំត្រីមាសទី២ ឆ្នាំ២០២៦» ដោយមានការចូលរួមពីសំណាក់នាយកប្រតិបត្តិ នាយកនាយកដ្ឋាន ប្រធានសាខា ប្រធានផ្នែកទំនាក់ទំនងអតិថិជន និងប្រធានផ្នែកវិភាគឥណទាន។ កិច្ចប្រជុំនេះ រៀបចំឡើងក្នុងគោលបំណងពិនិត្យ និងវាយតម្លៃលើសមិទ្ធផលការងារដែលសម្រេចបានក្នុងត្រីមាសទី២ ព្រមទាំងពិភាក្សា និងដាក់ចេញនូវទិសដៅយុទ្ធសាស្រ្តអាជីវកម្មបន្តសម្រាប់ត្រីមាសទី៣ និងត្រីមាសទី៤ ដើម្បីធានាឱ្យបាននូវការសម្រេចបានតាមផែនការអាជីវកម្មប្រចាំឆ្នាំ២០២៦។ ក្នុងឱកាសនោះដែរ កិច្ចប្រជុំបានបើកវេទិកាពិភាក្សា ដែលបុគ្គលិកលើកឡើងនូវបញ្ហាប្រឈម ស្វែងរកដំណោះស្រាយរួម និងផ្លាស់ប្តូរពិសោធន៍ការងារ សំដៅពង្រឹងគុណភាពសេវាកម្ម និងឆ្លើយតបទៅនឹងតម្រូវការរបស់ម្ចាស់សហគ្រាសធុនតូច និងមធ្យម (SMEs) ក្នុងវិស័យអាទិភាព តាមរយៈការផ្តល់ជូននូវដំណោះស្រាយហិរញ្ញវត្ថុដ៏ល្អប្រសើរ និងទាន់ពេលវេលា។  ជាមួយគ្នានេះផងដែរ ធនាគារ SME ក៏បានរៀបចំពិធីប្រគល់ វិញ្ញាបនបត្រសរសើរ ជូនដល់បុគ្គលិកផ្នែកលក់ឆ្នើមប្រចាំខែ ដើម្បីជាការលើកទឹកចិត្ត និងទទួលស្គាល់ចំពោះកិច្ចខិតខំប្រឹងប្រែង សមិទ្ធផលការងារ និងការប្តេជ្ញាចិត្តក្នុងការបំពេញភារកិច្ចប្រកបដោយវិជ្ជាជីវៈ។

ភ្នំពេញ៖ នារសៀលថ្ងៃទី១៧ ខែកក្កដា ឆ្នាំ២០២៦ លោក ជា សុភ័ក្ត អគ្គនាយកនៃធនាគារ SME បានដឹកនាំកិច្ចប្រជុំពាក់កណ្តាលឆ្នាំ២០២៦ ដើម្បីបូកសរុបលទ្ធផលការងារប្រចាំឆមាសទី១ ឆ្នាំ២០២៦ និងបង្ហាញទិសដៅការងារសម្រាប់ឆមាសទី២ ដោយមានការចូលរួមពីគណៈគ្រប់គ្រង និងបុគ្គលិកទាំងអស់ នៅអគារមជ្ឈមណ្ឌលអភិវឌ្ឍធុរកិច្ច។ កិច្ចប្រជុំនេះមានគោលបំណងបង្ហាញអំពីវឌ្ឍនភាពការងារ សមិទ្ធិផលដែលសម្រេចបាន និងទិសដៅអាជីវកម្មរបស់ធនាគារ SME ក្នុងឆមាសទី១ ឆ្នាំ២០២៦ ព្រមទាំងលើកឡើងពីផែនការយុទ្ធសាស្ត្រសម្រាប់ការអនុវត្តនៅឆមាសទី២។ ទន្ទឹមនឹងនេះ កិច្ចប្រជុំក៏បានរួមចំណែកពង្រឹងការប្រាស្រ័យទាក់ទងផ្ទៃក្នុង លើកកម្ពស់ការយល់ដឹងរួម និងជំរុញការចូលរួមរបស់បុគ្គលិកគ្រប់ជាន់ថ្នាក់ ក្នុងការអនុវត្តផែនការយុទ្ធសាស្ត្រ និងសម្រេចគោលដៅរួមរបស់ធនាគារ។ ជាមួយគ្នានេះដែរ បុគ្គលិកក៏មានឱកាសផ្លាស់ប្តូរយោបល់ សាកសួរ និងចែករំលែកទស្សនៈដោយបើកចំហជាមួយគណៈគ្រប់គ្រងផងដែរ។ ជាទីបញ្ចប់ លោក ជា សុភ័ក្ត បានថ្លែងអំណរគុណចំពោះគណៈគ្រប់គ្រង និងបុគ្គលិកទាំងអស់ ដែលបានចូលរួមកិច្ចប្រជុំនេះយ៉ាងសកម្ម និងបានអំពាវនាវឱ្យបន្តសាមគ្គីភាព ខិតខំអនុវត្តការងារប្រកបដោយប្រសិទ្ធភាព និងទទួលខុសត្រូវខ្ពស់ ដើម្បីសម្រេចបាននូវគោលដៅរួមរបស់ធនាគារ។ លោកក៏បានបញ្ជាក់ពីការប្តេជ្ញាចិត្តរបស់ធនាគារ SME ក្នុងការបន្តជំរុញកំណើនសេដ្ឋកិច្ចជាតិ បង្កើនភាពប្រកួតប្រជែងរបស់សហគ្រាស និងរួមចំណែកលើកកម្ពស់ជីវភាពរស់នៅរបស់ប្រជាពលរដ្ឋកម្ពុជា។

ភ្នំពេញ៖ ធនាគារ SME មានកិត្តិយសចូលរួមឧបត្ថម្ភក្នុងពិធីសម្ពោធ «ផ្សារខ្មែរ MSME Hub ទួលពង្រ» ដែលរៀបចំឡើងដោយ សភាមុខរបរ និងមីក្រូសហគ្រាសកម្ពុជា (CMPEC)។ ព្រឹត្តិការណ៍នេះ ត្រូវបានប្រារព្ធឡើងរយៈពេល ៣ ថ្ងៃ ចាប់ពីថ្ងៃទី ៣ រហូតដល់ថ្ងៃទី ៥ ខែកក្កដា ឆ្នាំ ២០២៦។ ការបង្កើត «ផ្សារខ្មែរ» គឺជាចលករដ៏សំខាន់មួយក្នុងការពង្រីកទីផ្សារសម្រាប់ផលិតផលក្នុងស្រុក ដោយផ្តល់ឱកាសឱ្យម្ចាស់អាជីវកម្មខ្មែរបានភ្ជាប់ផលិតផលរបស់ខ្លួនទៅកាន់អ្នកប្រើប្រាស់កាន់តែទូលំទូលាយ។ ធនាគារ SME ជឿជាក់យ៉ាងថា សហគ្រិនខ្មែរមានសមត្ថភាព ភាពច្នៃប្រឌិត និងសក្តានុពលខ្ពស់ ក្នុងការផលិតផលិតផលដែលមានគុណភាព ស្របតាមស្តង់ដារ និងអាចប្រកួតប្រជែងបានទាំងក្នុង និងក្រៅប្រទេស។ ធនាគារ SME នឹងបន្តសហការជាមួយដៃគូពាក់ព័ន្ធ ដើម្បីលើកកម្ពស់ប្រព័ន្ធអេកូឡូស៊ីអាជីវកម្ម និងជំរុញឱ្យសហគ្រាសខ្មែររីកចម្រើនប្រកបដោយចីរភាព។

រាជធានីភ្នំពេញ, នារសៀលថ្ងៃទី០១ ខែកក្កដា ឆ្នាំ២០២៦ – លោក ជា សុភ័ក្ត អគ្គនាយក នៃធនាគារ SME បានអញ្ជើញចូលរួមជាវាគ្មិនកិត្តិយសក្នុងពិធីសម្ពោធជាផ្លូវការនូវកម្មវិធី «មូលនិធិបង្វិលសម្រាប់ប្រសិទ្ធភាពថាមពល» (Energy Efficiency Revolving Fund) ដែលរៀបចំឡើងដោយធនាគារអភិវឌ្ឍន៍អាស៊ី (ADB) នៅសណ្ឋាគារ Hyatt Regency ភ្នំពេញ។ មូលនិធិនេះ ត្រូវបានបង្កើតឡើងក្នុងគោលបំណងគាំទ្រដល់រាជរដ្ឋាភិបាល ក្នុងការជំរុញអនាគតថាមពលស្អាត និរន្តរភាព និងកាត់បន្ថយការបំភាយឧស្ម័នផ្ទះកញ្ចក់។ នៅក្នុងឱកាសនោះផងដែរ លោកអគ្គនាយកបានធ្វើបទបង្ហាញស្តីពី «មូលនិធិបង្វិលសម្រាប់ប្រសិទ្ធភាពថាមពល» ក្នុងការផ្តល់ដំណោះស្រាយហិរញ្ញប្បទានរយៈពេលវែង និងមានលក្ខខណ្ឌអនុគ្រោះ ជូនដល់សហគ្រាសធុនតូច និងមធ្យម (SMEs) នៅកម្ពុជា។

ភ្នំពេញ៖ រសៀលថ្ងៃទី១ ខែកក្កដា ឆ្នាំ២០២៦ – ធនាគារអភិវឌ្ឍន៍អាស៊ី (ADB) សហការ​ជាមួយ​ធនាគារ SME បានរៀបចំពិធីប្រកាសដាក់ដំណើរការជាផ្លូវការនូវ​ “មូលនិធិបង្វិលសម្រាប់ប្រសិទ្ធភាពថាមពល (EERF)” ​ក្រោមអធិបតីភាព​របស់​ ឯកឧត្តមបណ្ឌិតសភាចារ្យ ផាន់ ផល្លា រដ្ឋលេខាធិការ ក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាភិបាល នៃធនាគារ SME, ឯកឧត្តមបណ្ឌិត ទី នរិន្ទ រដ្ឋលេខាធិការ ក្រសួងរ៉ែ និងថាមពល និង​មាន​ការចូល​រួម​ពី​ តំណាងធនាគារអភិវឌ្ឍន៍អាស៊ី ស្ថានទូតអង់គ្លេស​ប្រចាំកម្ពុជា, ស្ថាប័នហិរញ្ញវត្ថុចូលរួម, ដៃគូអភិវឌ្ឍន៍ និង​វិស័យឯកជន។​ មូលនិធិបង្វិលនេះ​គ្រោង​ទុន​​សរុបចំនួន​​ ២០ លាន​ដុល្លារ​អាម៉េរិក​​ សម្រាប់បញេញឥណទាន និង​ ២,៥ លាន​ដុល្លារ​អាម៉េរិក​ សម្រាប់​ធានា​ឥណទាន​។​​ ជារួម​ មូលនិធិបង្វិលសម្រាប់ប្រសិទ្ធភាពថាមពល​ មានគោលបំណង​ជំរុញ​ និង​គាំទ្រ​លទ្ធភាព​ទទួលបាន​ឥណទាន​របស់​ហគ្រាស​ធុនតូច​ និង​មធ្យម​ សម្រាប់ការ​វិនិយោគ​លើ​បច្ចេកវិទ្យា និងឧបករណ៍ ដែល​​​​បង្កើន​ប្រសិទ្ធភាពប្រើប្រាស់​​ថាមពល​របស់​សហគ្រាស ដែល​រំពឹង​ថា​នឹង​រួម​ចំណែក​សំខាន់​ដល់​ការ​បង្កើន​ដល់​ផលិតភាព​ផលិត​កម្ម​។ ការ​បញ្ចេញ​ឥណទាន​ក្រោមមូលនិធិនេះ​ នឹង​ត្រូវ​ធ្វើឡើង​ដោយ​ ធនាគារ CIMB និង …

ធនាគារ SME សហការជាមួយ ADB និងដៃគូអភិវឌ្ឍន៍ សម្ពោធជាផ្លូវការនូវ “មូលនិធិបង្វិលសម្រាប់ប្រសិទ្ធភាពថាមពល (EERF)” ដើម្បីជំរុញការវិនិយោគបៃតងរបស់សហគ្រាសធុនតូច និងមធ្យម Read More »

ភ្នំពេញ៖ រសៀល​ថ្ងៃទី០១ ខែកក្កដា ឆ្នាំ២០២៦ – ឯកឧត្តមបណ្ឌិតសភាចារ្យ ផាន់ ផល្លា រដ្ឋលេខាធិការ ក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាភិបាល នៃធនាគារ SME បានអញ្ជើញជាអធិបតីក្នុងពិធីប្រកាសដាក់ដំណើរការជាផ្លូវការ​នៃ​ “មូលនិធិបង្វិលសម្រាប់ប្រសិទ្ធភាពថាមពល” (Energy Efficiency Revolving Fund – EERF) ដែលត្រូវ​បាន​រៀបចំឡើងដោយធនាគារអភិវឌ្ឍន៍អាស៊ី (ADB) ប្រចាំនៅកម្ពុជា​។​ ឯកឧត្តមបណ្ឌិតសភាចារ្យ បានគូស​រំលេច​ពី​សារសំខាន់​ នៃ​គំនិតផ្តួច​ផ្តើម​បង្កើតមូលនិធិបង្វិលសម្រាប់ប្រសិទ្ធភាពថាមពល (EERF) ដែល​ជាវិធាន​ការ​អន្តរាគមន៍ប្រកបដោយ​ភាព​ប្រាក​ដ​និយម ក្នុង​ការ​ដោះ​​ស្រាយ​បញ្ហប្រឈម​ នៃកង្វះ​ទុនវិនិយោគ និង​ហិរញ្ញប្បទានការ​ប្រាក់សមរម្យ​ គាំទ្រ​ដល់​ការ​លើក​កម្ពស់​ការអភិវឌ្ឍថាមពលស្អាត ប្រកប​ដោយចីរភាព និងបរិយាបន្ន​ ដែល​​បាន​កំណត់​ក្នុង​គោលនយោបាយ​ជាតិ​ស្តីពី​ប្រសិទ្ធភា​ពថាមពល​ ២០២២-២០៣០។ ជាមួយគ្នានេះ ឯកឧត្តមបណ្ឌិតសភាចារ្យ បាន​វាយតម្លៃខ្ពស់​ដល់កិច្ច​ខិតខំប្រឹង​ប្រែង​នេះ​ ជាពិសេស​ កិច្ច​សហ​ការ​ជិតស្និត​រវាង​តួអង្គពាក់ព័ន្ធទាំង​អស់ រួមមាន​ ធនាគារ​អភិវឌ្ឍន៍អាស៊ី​, ស្ថានទូតអង់គ្លេស​ប្រចាំ​នៅកម្ពុជា,​ ស្ថាប័ន​រដ្ឋាភិបាល​ និង​គ្រឹះស្ថា​ន​ហិរញ្ញវត្ថុ​ចូល​រួម​ (Participating Financial Institutions) មាន​ជាអាទិ៍ ធនាគារ​ CIMB និង​ FTB …

ឯកឧត្តមបណ្ឌិតសភាចារ្យ ផាន់ ផល្លា អញ្ជើញចូលរួមជាអធិបតី ក្នុងពិធីប្រកាសដាក់ដំណើរការជាផ្លូវការនៃ “មូលនិធិបង្វិលសម្រាប់ប្រសិទ្ធភាពថាមពល” Read More »

រាជធានីភ្នំពេញ នាថ្ងៃទី២៧ ខែមិថុនា ឆ្នាំ២០២៦ ធនាគារ SME មានសេចក្តីសោមនស្សរីករាយក្នុងការចូលរួមឧបត្ថម្ភកម្មវិធី «ពិធីសំណេះសំណាលមហាគ្រួសារសហគ្រាសធុនតូច មធ្យម និងសិប្បកម្មកម្ពុជា» ក្នុងឱកាសអបអរសាទរទិវាសហគ្រាសធុនមីក្រូ ធុនតូច និងមធ្យម (MSME Day) ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ កម្មវិធីដ៏មហោឡារិកនេះ ត្រូវបានរៀបចំឡើងដោយសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) នៅមជ្ឈមណ្ឌលសន្និបាត និងពិព័រណ៍កោះពេជ្រ។