ខេត្តកណ្តាល៖ នាថ្ងៃទី២១ ខែសីហា ឆ្នាំ២០២៦ ធនាគារ SME មានកិត្តិយសអញ្ជើញចូលរួមជាវាគ្មិន និងសហការឧបត្ថម្ភសិក្ខាសាលា «ការត្រៀមខ្លួនទទួលបានហិរញ្ញប្បទាន ដើម្បីអភិវឌ្ឍន៍អាជីវកម្មសម្រាប់វិស័យ MSMEs តាមបែបឌីជីថល» ដែលបានរៀបចំឡើងនៅសាលប្រជុំសាលាខេត្តកណ្តាល ដោយមានការចួលរួមពីម្ចាស់ និងតំណាងសហគ្រាសធុនតូច និងមធ្យមប្រមាណជាង ១៥០ នាក់។
គោលបំណងនៃសិក្ខាសាលានេះ គឺដើម្បីពង្រឹងសមត្ថភាពសហគ្រាសធុនតូច និងមធ្យម ឱ្យយល់ដឹងពីនីតិវិធីនៃការទទួលបានឥណទាន និងហិរញ្ញប្បទានពីធនាគារដៃគូ ព្រមទាំងការប្រើប្រាស់ប្រព័ន្ធឌីជីថលដើម្បីពង្រីកអាជីវកម្ម។ ជាមួយគ្នានេះ សិក្ខាសាលាក៏ផ្តោតលើការផ្តល់ចំណេះដឹងជាក់ស្តែងក្នុងការត្រៀមខ្លួនសម្រាប់ទីផ្សារក្នុងស្រុក និងការនាំចេញ ព្រមទាំងការយល់ដឹងពីបទប្បញ្ញត្តិច្បាប់នានា។
