កិច្ចពិភាក្សានេះ រៀបចំឡើងក្នុងគោលបំណងប្រមូលធាតុចូល និងមតិយោបល់ពីគ្រប់ផ្នែកពាក់ព័ន្ធ ដើម្បីកំណត់ទិសដៅយុទ្ធសាស្រ្ត ពង្រឹងប្រសិទ្ធភាពការងារ និងលើកកម្ពស់ការគាំទ្រហិរញ្ញប្បទានជូនដល់ម្ចាស់សហគ្រាសធុនតូច និងមធ្យម (SMEs) ឱ្យកាន់តែចំគោលដៅ និងទាន់ពេលវេលា។ ជាមួយគ្នានេះ កិច្ចប្រជុំក៏បានផ្តោតលើគោលគំនិត “Beyond Financing” ដែលមានន័យថា ធនាគារ SME មិនត្រឹមតែជាអ្នកផ្តល់ហិរញ្ញប្បទានប៉ុណ្ណោះទេ ប៉ុន្តែមានគោលដៅក្លាយជាដៃគូអភិវឌ្ឍអាជីវកម្មរបស់ SMEs តាមរយៈការផ្តល់ជូននូវដំណោះស្រាយហិរញ្ញវត្ថុ សេវាឌីជីថល ចំណេះដឹង និងការប្រឹក្សាយោបល់ បណ្តាញអាជីវកម្ម ឱកាសទីផ្សារ និងការគាំទ្រផ្សេងៗដែលមានតម្លៃបន្ថែម ដើម្បីជួយសហគ្រាសពង្រឹងសមត្ថភាព បង្កើនផលិតភាព ពង្រីកអាជីវកម្ម និងអភិវឌ្ឍឱ្យមានភាពរឹងមាំ និងចីរភាព។