រាជធានីភ្នំពេញ៖ នាថ្ងៃទី២៦ ខែតុលា ឆ្នាំ២០២៦ ធនាគារ SME មានកិត្តិយសចូលរួមសហការឧបត្ថម្ភក្នុង សន្និសីទ និងពិព័រណ៍ពាណិជ្ជកម្មទឹកស្អាតកម្ពុជាលើកទី៦ ឆ្នាំ២០២៦ ដែលបានបើកជាផ្លូវការក្រោមប្រធានបទ «នវានុវត្តន៍ថ្ងៃនេះ ដំណោះស្រាយទឹកសម្រាប់ថ្ងៃស្អែក» ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) ដោយមានការចូលរួមពីតំណាងស្ថាប័នរដ្ឋ ដៃគូអភិវឌ្ឍន៍ វិស័យឯកជន និងអ្នកពាក់ព័ន្ធក្នុងវិស័យផ្គត់ផ្គង់ទឹកស្អាត សរុបជាង ៣៥០នាក់។

ការចូលរួមនេះបង្ហាញពីការប្តេជ្ញាចិត្តរបស់ធនាគារ SME ក្នុងការគាំទ្រសហគ្រាសក្នុងវិស័យទឹកស្អាត តាមរយៈហិរញ្ញប្បទានសមស្រប ដើម្បីពង្រីកអាជីវកម្ម លើកកម្ពស់ការផ្គត់ផ្គង់ទឹកស្អាត និងរួមចំណែកដល់ការអភិវឌ្ឍសេដ្ឋកិច្ចកម្ពុជាប្រកបដោយចីរភាព។