ខេត្តកំពត៖ នាថ្ងៃទី៧ ខែវិច្ឆិកា ឆ្នាំ២០២៦ ធនាគារ SME បានចូលរួមព្រឹត្តិការណ៍ជិះកង់លើកទី៦ របស់សមាគមធនាគារនៅកម្ពុជា ក្រោមប្រធានបទ “ជិះកង់ដើម្បីផ្សព្វផ្សាយអំពីនិរន្តរភាពនៃវិស័យធនាគារ និងការលើកកម្ពស់ប្រាក់រៀល” ដែលប្រារព្ធឡើងនៅមុខសាលាខេត្តកំពត។
ការចូលរួមរបស់ធនាគារ SME ក្នុងព្រឹត្តិការណ៍នេះ បានបង្ហាញពីស្មារតីសហការជាមួយស្ថាប័នក្នុងវិស័យធនាគារ ក្នុងការផ្សព្វផ្សាយសារអប់រំ និងលើកកម្ពស់ការយល់ដឹងរបស់សាធារណជនអំពីនិរន្តរភាព ព្រមទាំងជំរុញការប្រើប្រាស់ប្រាក់រៀល ដែលជារូបិយវត្ថុជាតិ និងជាផ្នែកសំខាន់ក្នុងការពង្រឹងសេដ្ឋកិច្ចជាតិ។ ជាមួយគ្នានេះ ក៏ជាការចូលរួមលើកកម្ពស់ស្មារតីថែរក្សាសុខភាព និងបរិស្ថានបៃតង ដើម្បីរួមចំណែកកសាងសង្គមប្រកបដោយសុខុមាលភាព និងចីរភាព។
