ខេត្តកំពត, នាថ្ងៃទី២០ ខែសីហា ឆ្នាំ២០២៦ ធនាគារ SME មានកិត្តិយសអញ្ជើញចូលរួមជាវាគ្មិន និងសហការឧបត្ថម្ភកម្មវិធី «កិច្ចប្រជុំថ្នាក់តំបន់» សម្រាប់សមាជិកជាប្រតិបត្តិករផ្គត់ផ្គង់ទឹកស្អាត (ខេត្តកណ្តាល តាកែវ កំពង់ស្ពឺ កោះកុង ព្រះសីហនុ និងខេត្តកំពត) ដែលត្រូវបានរៀបចំដោយ សមាគមអ្នកផ្គត់ផ្គង់ទឹកស្អាតកម្ពុជា (ស.ទ.ក) នៅសណ្ឋាគារ ភាព សុខុម ខេត្តកំពត។
កិច្ចប្រជុំនេះរៀបចំឡើងក្នុងគោលបំណងពិភាក្សាស្វែងរកដំណោះស្រាយជូនសមាជិក ធ្វើបច្ចុប្បន្នភាពព័ត៌មានសមាគម និងលិខិតបទដ្ឋានគតិយុត្តពាក់ព័ន្ធនឹងវិស័យទឹកស្អាត ព្រមទាំងចែករំលែកចំណេះដឹង បទពិសោធន៍ និងបច្ចេកវិទ្យាថ្មីៗ ដើម្បីរួមគ្នាលលើកកម្ពស់សេវាផ្គត់ផ្គង់ទឹកស្អាតឱ្យសម្រេចបាននូវគោលដៅអភិវឌ្ឍន៍ប្រកបដោយចីរភាពឆ្នាំ២០៣០។
