នាព្រឹក ថ្ងៃទី៦ ខែមេសា ឆ្នាំ២០២៣ គណៈគ្រប់គ្រងនៃធនាគារ SME ដឹកនាំដោយ លោកបណ្ឌិត លឹម អូន ជាអគ្គនាយក បានទទួលស្វាគមន៍គណៈប្រតិភូទាំង ១៦រូប ពីធនាគារកណ្តាល នៃប្រទេសឡាវ, ថ្នាក់ដឹកនាំនៃគម្រោង Lao Access to Finance Fund (LAFF), គ្រឹះស្ថានហិរញ្ញវត្ថុពីប្រទេសឡាវ និងតំណាងសមាគមមីក្រូហិរញ្ញវត្ថុនៅកម្ពុជា ក្នុងកម្មវិធី «ទស្សនៈកិច្ចសិក្សាដើម្បីស្វែងយល់អំពីគម្រោងហិរញ្ញប្បទានរបស់ធនាគារ SME»។

ក្នុងជំនួបទស្សនកិច្ចនេះ ធនាគារ SME មានកិត្តិយសក្នុងការចែករំលែកបទពិសោធន៍ល្អៗ និងភាពជោគជ័យនៃគម្រោងហិរញ្ញប្បទាន និងសហហិរញ្ញប្បទានសហគ្រាសធុនតូច និងមធ្យមរបស់ខ្លួន ដល់គណៈប្រតិភូនៃប្រទេសឡាវ។ ទស្សនៈកិច្ចនេះផងដែរ ក៏មានជាការធ្វើបទបង្ហាញពាក់ព័ន្ធ និងកិច្ចពិភាក្សាជាច្រើន ជាពិសេសការចែករំលែក និងផ្លាស់ប្តូរបទពិសោធន៍ជាក់ស្ដែងពីដំណើរការ និងអត្ថប្រយោជន៍នៃការទទួលហិរញ្ញប្បទានពីធនាគារ និងគ្រឹះស្ថានមីក្រូហិរញ្ញវត្ថុក្នុងប្រទេសកម្ពុជា និងប្រទេសឡាវ។