រាជធានីភ្នំពេញ៖ នាថ្ងៃទី១៦ ខែតុលា ឆ្នាំ២០២៦ ធនាគារ SME បានរៀបចំកម្មវិធី «Move Your Body, Boost Your Mind» ក្រោមអធិបតីភាពលោកស្រី ឈន ដាលិះ សមាជិកាក្រុមប្រឹក្សាភិបាលឯករាជ្យ នៃធនាគារ SME ដោយមានការចូលរួមពីគណៈគ្រប់គ្រង និងបុគ្គលិកប្រមាណ ៥០ នាក់។
តាមរយៈកម្មវិធីនេះ បុគ្គលិកបានទទួលការបង្ហាត់បង្ហាញចលនារាងកាយដើម្បីសុខភាពផ្លូវចិត្ត តាមគោលការណ៍ “Water Up, Fire Down” ដែលមានការធ្វើលំហាត់ប្រាណ ដកដង្ហើម និងសមាធិ ដើម្បីស្តារតុល្យភាពថាមពល កាត់បន្ថយស្ត្រេស សម្រាលសម្ពាធផ្លូវចិត្ត បង្កើនការផ្ដោតអារម្មណ៍ និងជួយដល់ប្រព័ន្ធរំលាយអាហារ និងប្រព័ន្ធការពាររាងកាយ។
ធនាគារ SME តែងតែយកចិត្តទុកដាក់លើសុខុមាលភាពរបស់បុគ្គលិក ដោយជឿជាក់ថា សុខភាពល្អ និងស្មារតីរឹងមាំ គឺជាកត្តាសំខាន់ក្នុងការបង្កើនប្រសិទ្ធភាពការងារ ការសហការជាក្រុម និងការកសាងវប្បធម៌ការងារដែលមានភាពស្និទ្ធស្នាល និងចីរភាព។
