កម្មវិធី «ខ្មែរជឿជាក់» នឹងនាំលោកអ្នកទៅជួប និងស្វែងយល់ពីដំណើរតស៊ូរបស់ លោក រស់ វិចិត្រ ម្ចាស់សិប្បកម្ម «នំវិចិត្របុត្រា» ដែលមានទីតាំងនៅខេត្តបន្ទាយមានជ័យ និងមានជំនាញផលិតនំពារបែបប្រពៃណីរហូតដល់ ៩ រសជាតិ។
✨ លោកអ្នកនឹងបានស្គាល់ពីដំណើរការផលិតនំពារចម្រុះរសជាតិ ដែលយកវត្ថុធាតុដើមពីកសិករក្នុងស្រុក មកកែច្នៃជាផលិតផលមានតម្លៃបន្ថែម ដោយផ្សារភ្ជាប់រសជាតិបែបប្រពៃណីជាមួយនឹងភាពច្នៃប្រឌិត។ សិប្បកម្ម «នំវិចិត្របុត្រា» មិនត្រឹមតែបង្ហាញពីស្នាដៃ និងសមត្ថភាពរបស់សហគ្រិនខ្មែរប៉ុណ្ណោះទេ ប៉ុន្តែថែមទាំងចូលរួមគាំទ្រកសិករក្នុងស្រុក និងលើកកម្ពស់ផលិតផលខ្មែរឱ្យកាន់តែមានតម្លៃ និងការទទួលស្គាល់ក្នុងទីផ្សារ។
«ខ្មែរជឿជាក់»៖ ជឿជាក់លើសហគ្រិនខ្មែរ មោទនភាពជាតិខ្មែរ! 🇰🇭
