រាជធានីភ្នំពេញ៖ នាថ្ងៃទី៣០ ខែតុលា ឆ្នាំ២០២៦ ធនាគារ SME មានកិត្តិយសចូលរួមជាវាគ្មិនកិត្តិយសក្នុងកម្មវិធី «Forest Ecopreneurs Cambodia 2026 Networking Event» ដែលរៀបចំឡើងដោយ Impact Hub Phnom Penh នៅម្លប់កាហ្វេ។

កម្មវិធីនេះមានគោលបំណងជំរុញសហគ្រិនភាពដែលគិតគូរពីបរិស្ថាន តាមរយៈការភ្ជាប់ទំនាក់ទំនងរវាងអាជីវកម្មកំពុងរីកចម្រើនចំនួន ១០ និងភាគីពាក់ព័ន្ធសំខាន់ៗមកពីវិស័យហិរញ្ញវត្ថុ ពាណិជ្ជកម្ម និងសហគមន៍មូលដ្ឋាន ដើម្បីចែករំលែកចំណេះដឹង បទពិសោធន៍ និងស្វែងរកឱកាសសហការអភិវឌ្ឍអាជីវកម្មប្រកបដោយចីរភាព។

ក្នុងឱកាសនេះ តំណាងធនាគារ SME បានធ្វើបទបង្ហាញអំពីគម្រោងហិរញ្ញប្បទានរបស់ធនាគារ ដោយផ្តោតលើលទ្ធភាពទទួលបានហិរញ្ញប្បទាន លក្ខខណ្ឌនៃការស្នើសុំឥណទាន និងការគាំទ្រផ្នែកហិរញ្ញវត្ថុសម្រាប់សហគ្រាសធុនតូច និងមធ្យម ជាពិសេសអាជីវកម្មដែលមានសក្តានុពលក្នុងការរួមចំណែកដល់ការអភិវឌ្ឍសេដ្ឋកិច្ច និងបរិស្ថាន។