ខេត្តកំពត៖ នាថ្ងៃទី១ ខែវិច្ឆិកា ឆ្នាំ២០២៦ ធនាគារ SME មានកិត្តិយសចូលរួមសហការឧបត្ថម្ភក្នុងកម្មវិធីមូលនិធិ «Anakot Charity» ដែលជាគំនិតផ្តួចផ្តើមគាំទ្រវិស័យអប់រំឆ្នាំ២០២៦ ក្រោមប្រធានបទ «Let’s Build A Brighter Future Together» រៀបចំឡើងដោយនិស្សិតនៃសាលា CamEd Business School។ កម្មវិធីនេះប្រព្រឹត្តទៅនៅសាលាបឋមសិក្សាសុខសាន្ត អាយឌៀ អូរវៀង ខេត្តកំពត ក្នុងគោលបំណងចូលរួមចែករំលែកក្តីសង្ឃឹម និងបង្កើនឱកាសសិក្សាដល់សិស្សានុសិស្ស។
ការចូលរួមរបស់ធនាគារ SME ក្នុងកម្មវិធីនេះ គឺជាការបង្ហាញពីស្មារតីចែករំលែក និងការយកចិត្តទុកដាក់ចំពោះសហគមន៍ ជាពិសេសការគាំទ្រដល់វិស័យអប់រំ ដែលជាគ្រឹះដ៏សំខាន់ក្នុងការអភិវឌ្ឍធនធានមនុស្ស និងកសាងអនាគតប្រកបដោយចីរភាព។
ធនាគារ SME ជឿជាក់ថា ការផ្តល់ឱកាសអប់រំថ្ងៃនេះ គឺជាការបណ្តុះគ្រឹះសម្រាប់អនាគតដ៏ភ្លឺស្វាងនៅថ្ងៃស្អែក។ ការចូលរួមចំណែកពីស្ថាប័ន និងសប្បុរសជនគ្រប់មជ្ឈដ្ឋាន ទោះតិចក្តី ឬច្រើនក្តី សុទ្ធតែមានតម្លៃក្នុងការបង្កើតឱកាស និងជំរុញក្តីសុបិនរបស់កុមារឱ្យក្លាយជាការពិត។
