ភ្នំពេញ៖ នារសៀលថ្ងៃទី២១ ខែសីហា ឆ្នាំ២០២៦ ធនាគារ SME ដឹកនាំដោយ លោក ជា សុភ័ក្ត អគ្គនាយកនៃ ធនាគារ SME បានជួបពិភាក្សាការងារជាមួយ កម្មវិធីអភិវឌ្ឍន៍សេដ្ឋកិច្ចដ៏សំខាន់មួយរបស់អូស្រ្តាលី នៅកម្ពុជា (CAPRED) ។
កិច្ចប្រជុំនេះរៀបចំឡើង ក្នុងគោលបំណងស្វែងរកកិច្ចសហប្រតិបត្តិការដោយផ្អែកលើគោលគំនិត Beyond Financing ដែលផ្តោតលើការគាំទ្រ SMEs នៅកម្ពុជា ដោយរួមបញ្ចូលទាំងការផ្តល់ហិរញ្ញប្បទានអនុគ្រោះក្នុងខ្សែចង្វាក់តម្លៃសម្រាប់នាំចេញ ព្រមទាំងការពង្រឹងជំនាញបច្ចេកទេស ការត្រៀមខ្លួនសម្រាប់ពង្រីកអាជីវកម្ម និងការពង្រឹងអភិបាលកិច្ចធុរកិច្ចផងដែរ។
