កម្មវិធី «ខ្មែរជឿជាក់» នឹងនាំលោកអ្នកទៅជួបបទពិសោធន៍ផ្ទាល់របស់ លោកស្រី សៀវ សុម៉ាលីន ម្ចាស់សិប្បកម្ម តាកាឌា ដែលជាសិប្បកម្មផលិតឱសថបុរាណ និងក្រមួនចត បន្តមរតកគ្រួសាររហូតដល់ ៣ ជំនាន់។ 🌿
✨ លោកអ្នកនឹងបានឃើញពីដំណើរការផលិតឱសថបុរាណ ដែលត្រូវបានផ្សំឡើងយ៉ាងសម្រិតសម្រាំង ពីវត្ថុធាតុដើមធម្មជាតិសុទ្ធសឹង ១០០% ដូចជា ស្លឹកម្លិះ ស្លឹកកាឆាយ និងស្លឹកខ្ទឹមខ្យល់ ដោយឆ្លងកាត់ការរំងាស់ និងការបន្សំតាមរូបមន្តសម្ងាត់ប្រចាំត្រកូល ដែលបានបន្តពីជំនាន់មួយទៅជំនាន់មួយ។ ឱសថបុរាណ និងក្រមួនចត តាកាឌា បានឈរជើងនៅលើទីផ្សារជិត ១ សតវត្សរ៍មកហើយ តាមរយៈប្រសិទ្ធភាពពិតប្រាកដ ភាពស្មោះត្រង់ និងការណែនាំតៗគ្នាពីមាត់មួយទៅមាត់មួយ ដោយសារក្តីទុកចិត្តពិតៗពីអតិថិជន។
«ខ្មែរជឿជាក់»៖ ជឿជាក់លើសហគ្រិនខ្មែរ មោទនភាពជាតិខ្មែរ! 🇰🇭
