នាថ្ងៃទី១៩ ខែសីហា ឆ្នាំ២០២៤ ធនាគារសហគ្រាសធុនតូច និងមធ្យម កម្ពុជា និងសភាពាណិជ្ជកម្មកម្ពុជា បានចុះហត្ថលេខាលើអនុស្សរណៈនៃការយោគយល់គ្នា ដែលបានអញ្ជើញចូលរួមដោយលោកបណ្ឌិត លឹម អូន អគ្គនាយក នៃធនាគារសហគ្រាសធុនតូច និងមធ្យម កម្ពុជា, លោក ឯកឧត្តមឧកញ៉ា ងួន ម៉េងតិច អគ្គនាយក សភាពាណិជ្ជកម្មកម្ពុជា រួមជាមួយថ្នាក់ដឹកនាំជាច្រើនរូបទៀត។
អនុស្សវណៈ នៃការយោគយល់គ្នានេះ ត្រូវបានធ្វើឡើង ក្នុងគោលបំណងលើកកម្ពស់ លទ្ធភាពទទួលបានហិរញ្ញប្បទាន និងជំរុញវឌ្ឍនភាពធុរកិច្ច សម្រាប់វិស័យសហគ្រាសធុនតូច និងមធ្យម ឲ្យកាន់តែល្អប្រសើរ ដើម្បីកំណើនសេដ្ឋកិច្ច និងការអភិវឌ្ឍ នៅកម្ពុជា។
តាមរយៈអនុស្សរណៈ នៃការយោគយល់គ្នានេះ ម្ចាស់សហគ្រាសដែលជាសមាជិក នៃសភាពាណិជ្ជកម្មកម្ពុជា អាចស្នើសុំគម្រោងហិរញ្ញប្បទានអាជីវកម្ម ប្រកបដោយលក្ខខណ្ឌអនុគ្រោះ ពីធនាគារសហគ្រាសធុនតូច និងមធ្យម កម្ពុជា ដើម្បីអភិវឌ្ឍ និងពង្រីកអាជីវកម្មរបស់ខ្លួន។
